26 امكانيات وخصائص فى utorrent انت اول مره تشوفها Updated 16-2-09

بسم الله الرحمن الرحيم

ان شاء الله فى الموضوع ده هنحاول نشرح امكانيات وخصائص ال utorrent اللى
احنا منعرفش عنها حاجه او اول مره نسمع عنها وكل مره باذن الله هنضيف
جزئيه جديده واى عضو يعرف حاجه جديده وعايز يضفها فى الموضوع باذن الله
هحطها فى اول مشاركه وباسمه.

اولا :
تشغيل اكتر من يوتورنت فى نفس الوقت

طبعا احنا بدأنا وعملناه انا عملته موضوع لوحده فى قسم المواقع الخاصه علشان الاستفاده منه هناك هتكون اكبر

مفاجاه : كيفيه تشغيل 2 يوتورنت فى نفس الوقت ادخل لتستفيد من النظام الجديد

ثانيا :

اخفاء اليوتورنت من التاسك بار

هتفتح
option>preferences
هتلاقى حاجه اسمها
Boss-key
وقصادها خانه فاضيه دوس فيها واضغط مثلا
Alt+f
هتلاقيها اتكتبت فى الخانه الفاضيه دوس بعد كده OK
جرب بقى كده دوس Alt+f
مبروك عليكم اليوتورنت اختفى من جنب الساعه عايز ترجعه تانى دوس Alt+f هيظهر

ثالثا :
دلوقتى بقى كل لما امسح ملف تورنت من الريموف (علامه X) اللى فى التول بار الملف بيفضل موجود زى ماهو داخل فولدر اعدادات اليوتورنت

هى ليها 3 حلول اتنين سهلين هقولكم عليهم والثالث برده هقولكم عليه والاول والثالث افضلهم:

1. كليك يمين على علامه (X) اللى فى التول بار هتلاقى اربع اختيارات ظهرهم طبعا احنا مش عايزين الا التانى وده هيبقى ديفولت على اى ملف تورنت تمسحه .
او
2. كليك يمين على ملف التورنت واختار Remove
and هتلاقى ثلاثه اختيارات ظهرهم طبعا احنا مش عايزين الا الاول ودى انت
لازم تعملها مع كل ملف تورنت.
او
3. روح ل
Preferences --> Advanced
وابحث عن
gui.default_del_action
وادى معنى القيم اللى هتحطها

0 = Remove

1 = "Remove and delete .torrent"

2 = "Remove and delete Data"

3 = "Remove and delete .torrent + Data

رابعا :

1. ترتيب التورنتات بواسطه اسم التراكر (جديده دى)
طبعا كلنا عارفين اننا ممكن نرتب التورنتات بالاسم او بعدد السيدز وهكذا لكن الجديد انك ممكن ترتب التورنتات باسم التراكر

كليك يمين على البار اللى فيه Name هتلاقى حاجات كتير ظهرت (اختار اللى يعجبك )
ومن ضمنها التراكر دوس عليها هيتحط عليها صح ومبروك عليك تقدر دلوقتى ترتب التورنتات باسم التراكر.

2. ممكن ترتب التورنتات على حسب (افلام و مسلسلات و اغانى وهكذا) زى مانت عايز جديده دى

روح لPreferences --> Advanced-->UI Extras

هتلاقى

Persistent Labels

اكتب فيها اللى انت عايزه زى مثلا كده ومتنساش الفاصل زى المثال
افلام|مسلسلات|برامج|ويندوز|اغانى|
ودوس OK
اعمل بقى كليك يمين على اى ملف تورنت هتلاقى
Label
واختار هتصنف الملف تحت اى اسم من اللى انت عملتهم وهكذا مع كل الملفات
عندك بقى فى البار اللى فيه Name و التراكر اللى احنا عاملناه فى النقطه اللى فاتت هتلاقى ال Label دوس عليها كده

الف مبروك التورنتات مترتبه اغانى وافلام وبرامج وزى مانت عايز

خامسا :
نفسك تلعب لعبه موجوده فى اليوتورنت وانت متعرفش اصلا انها موجوده مع انك ممكن تكون بتحبها؟

Help>about utorrent

دوس حرفT فى الكى بورد
ومبروك عليك عيش ومتقوليش السهم لفوق هو اللى بيغير

سادسا :
نفسك تخلى كل ملفات التورنت تقف لوحدها (اتوماتيك) بعد لما تخلص دونلود او بعد لما توصل لنسبه راشيو معينه انت عايزها؟

1.ايقاف ملفات التورنت اوتوماتيك بعد ان تصل لنسبه راشيو معينه :
Preferences --> Queueing-->
هتلاقى حاجه اسمها
Seed While
وتحتها
Ratio is
وقصادها خانه مكتوب فيها 150%
هنا هنغير نسبه الراشيو اللى احنا عايزين البرنامج يوقف ملف التورنت لما
يوصل ليها يعنى مثلا انا عايز كل التورنتات تقف اوتوماتيك لما توصل لنسبه 100% يعنى الراشيو = 1 يبقى هكتب فى الخانه دى 100 بدل ال 150 اللى موجوده اصلا.
بعد كده هتنزل تحت شويه فى نفس الصفحه المفتوحه هتلاقى
Limit The upload rate to

حط صح فيها والخانه اللى قصادها اكتب فيها صفر لو مكنش مكتوب ومتنساش تعمل OK

2. ايقاف اى ملف تورنت اتوماتيك بعد انتهاء التحميل مباشره :
نفس الخطوه اللى فاتت بالضبط مع اختلاف بسيط فى الرقم اللى هيتكتب فى
Ratio is

هنا بقى هنكتب صفر وبرده باقى الخطوه زى ماهى وبرده متنساش تدوس OK
3. طب
انا دلوقتى عايز كل ملف تورنت بنسبه راشيو لوحده يعنى ملف يقف بعد لما
يوصل ل 1 وملف تانى يوقف بعد لما يوصل 2 وملف تالت يوقف بعد لما يوصل2.5
وهكذا :

اضغط كليك يمين على اى ملف تورنت واختار
Properties
طبعا هيفتحلك صفحه اللى كلنا عارفينها هتلاقى بقى فيها
Seed While
وتحتها خانه حط فيها صح وقصادها خانه
ٌٌٌٌٌRatio is

اكتب فيها نسبه الراشيو اللى تعجبك ومتنساش تدوس OK

ومبروك عليكم جربوا بقى وقولوا ليا ايه اللى حصل

26 امكانيات وخصائص فى utorrent انت اول مره تشوفها Updated 16-2-09 917557

26 امكانيات وخصائص فى utorrent انت اول مره تشوفها Updated 16-2-09 917557

مشكور على البرنامج

منتظرين كل ما هو جديد

شكراااا على البرنامج ومميزاتة

جامدة جداااا وفى انتظار الجديد

» Great مرة آخــرىآ يدهشنآ البرنامج الآكثر من رآئع Utorrent