sookr morooo رومانسى جدا
عدد الرسائل : 315 العمر : 29 العمل/الترفيه : طالبة المزاج : الغناء تاريخ التسجيل : 06/02/2009
| موضوع: امتحانات الاعداديه سنة 2060 ههههههههههه الثلاثاء أبريل 14, 2009 11:47 pm | |
| السؤال الأول: التعبير
اكتب ما لايقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ــــــــــــــــــــــــــــــــــــــــــــــــــ ـــــــ
السؤال الثانى: القصة
من قصة " وعهد الله ما انت داخل الانتخابات" .. اقرأ القطعة وأجب عن الآتى:
(ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟)
الأسئلة:
1-ما هى اللحمة؟ أو على الأقل حدد أقرب معنى خيالى لها
2-مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت
3-لماذا ضربه الرجل بالجزمة وليس بالعصى مثلا؟؟ (أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى) اختر
4-حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــ ــــــــــ
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
(وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة)
1-دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟ (أكيد معزوم – طبيعى معزوم – وربنا معزوم).. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
(ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها)
1-بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
(المسيسبى - الأمازون – يونج يانج)
2-هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه
3-أكمل الأبيات إلى آخر كحكة فى الكليب
4-قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ــــــــــــــــــــــــــــــــــــــــــــــــــ ـــــــــ
السؤال الخامس النحو
أعرب ما تحته خط.. لو مالقيتش القطعة أصلا ..اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا يابني آدم
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ
السؤال السادس الخط
كوز المحبة انخرم..طرطش على كمى..ياحبيبى بطل جفا وارحم عذاب امى
اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
انتهت الاسئلة و أطيب الامنيات بالفشل و المقابلة فى الدور التانى | |
|
MIDO85 وقع فى الحب
عدد الرسائل : 1122 العمر : 38 العمل/الترفيه : فى الموبيلات المزاج : الكمبيوتر تاريخ التسجيل : 09/02/2009
| موضوع: رد: امتحانات الاعداديه سنة 2060 ههههههههههه الأربعاء أبريل 15, 2009 1:41 am | |
| شكرااااااا على الاسئلة الجميلة وبجد امتحان جاامد جداااااا وطبعا النتيجة لم ينجح احد شكرااااااااا يا سكرررررررررررر
| |
|
Memo Elzamalkawy رومانسى جدا
عدد الرسائل : 346 العمر : 32 العمل/الترفيه : طالب المزاج : لعب البلايستيشن تاريخ التسجيل : 01/03/2009
| موضوع: رد: امتحانات الاعداديه سنة 2060 ههههههههههه الأربعاء أبريل 15, 2009 2:12 am | |
| امتحاااااااااااااااااااان جامد موووووووووووت يارب وفقنا
| |
|
tomy صاحب المنتدى
عدد الرسائل : 1013 تاريخ التسجيل : 02/02/2009
| موضوع: رد: امتحانات الاعداديه سنة 2060 ههههههههههه الأربعاء أبريل 15, 2009 6:12 pm | |
| هههههههههههههههههههههههههههههههههههههههههههههههههه ههههههههههههههههههههههههههههههه هههههههههه المتحان لزيز ممكن اغشش الى جانبى وله اغيش منه ههههههههههههههههههههههههههههههههههههههه
| |
|
sookr morooo رومانسى جدا
عدد الرسائل : 315 العمر : 29 العمل/الترفيه : طالبة المزاج : الغناء تاريخ التسجيل : 06/02/2009
| موضوع: رد: امتحانات الاعداديه سنة 2060 ههههههههههه الأربعاء أبريل 15, 2009 11:33 pm | |
| ميرسى كتير اصحابى لمروركم | |
|